ბუდუ მატჩის საუკეთესო ფეხბურთელი გახდა

გერმანიის ჩემპიონატის ზედიზედ მეორე შეხვედრაში თავი გამოიჩინა ქართველმა ფეხბურთელმა ბუდუ ზივზივაძემ.

ქართველის გუნდმა "ჰაიდენჰაიმმა" საკუთარ მოედანზე "კილს" უმასპინძლა და 3-1 დაამარცხა.

ბუდუმ მეორე ტაიმის სტარტზევე გაიტანა გოლი და შეხვედრაში ანგარიში 2:0 გახადა, შემდეგ "კილმა" ერთი ბურთის გაქვითვა შეძლო, მაგრამ მატჩის მიწურულს ბუდუმ უკვე თანაგუნდელს გაატანინა და ასისტი მიითვალა.

31 წლის ფეხბურთელმა  Sofascore-ის მიხედვით შეფასება 9.0 მიიღო და მატჩის საუკეთესო ფეხბურთელიც გახდა.