შჩესნიმ "ბარსელონაში" რჩება

„ბარსელონას“ მეკარემ ვოიცეხ შჩესნიმ კლუბთან ახალი კონტრაქტი გააფორმა — ამის შესახებ კატალონიური გრანდის ოფიციალურ ვებსაიტზე გავრცელდა ინფორმაცია.

პოლონელი კიპერი „ბლაუგრანას“ 2024 წლის ოქტომბერში შეუერთდა და ახალი ხელშეკრულებით კლუბში დარჩება 2027 წლის ზაფხულამდე.

შჩესნიმ „ბარსელონას“ რიგებში ყველა ტურნირზე 30 შეხვედრა ჩაატარა და 14-ჯერ კარი უგოლოდ შეინახა.

შეგახსენებთ, რომ გასულ სეზონში „ბარსელონამ“ სამივე შიდა ტურნირზე იმარჯვა — ლა ლიგა, ესპანეთის თასი და სუპერთასი მოიგო.