რამდენი იქნება გოგლიჩიძეს ანაზღაურება უდინეზეში ?

"ემპოლის" 21 წლის ქართველი მცველი, საბა გოგლიჩიძე, კარიერას სერია A-ს კიდევ ერთ კლუბში, "უდინეზეში" განაგრძობს. როგორც იტალიური მედია იუწყება, ტრანსფერი უკვე შეთანხმებულია და გარიგების დეტალებიც ცნობილია.

გადახდილი თანხა 4-დან 5 მილიონ ევროს შორის მერყეობს, ხოლო ფეხბურთელი ახალ კლუბთან 4-წლიან კონტრაქტს გააფორმებს. გოგლიჩიძის სეზონური ხელფასი 650 000 ევრო იქნება.

გასულ სეზონში ქართველმა მცველმა "ემპოლის" მაისურით ყველა ტურნირზე 36 მატჩი ჩაატარა და ერთი საგოლე გადაცემა მიითვალა.