"პსჟ-ს" "ტოტენჰემთან" გუნდის ერთ-ერთი ლიდერი დააკლდება

RMC Sport-ის ინფორმაციით, პსჟ-ის ნახევარმცველი ჟოაო ნევეში მსოფლიოს საკლუბო ჩემპიონატის ფინალში „ჩელსისთან“ მიღებული გაძევების გამო ორმატჩიანი დისკვალიფიკაციით დაისაჯა.

შეგახსენებთ, რომ 20 წლის პორტუგალიელმა მარკ კუკურელიას თმაზე მოქაჩა, რის გამოც მსაჯმა პირდაპირი წითელი ბარათი უჩვენა.

დისკვალიფიკაციის გამო ნევეში 13 აგვისტოს ევროპის სუპერთასზე „ტოტენჰემთან“ და 17 აგვისტოს Ligue 1-ის პირველ ტურში „ნანტთან“ ვერ ითამაშებს.