პარიზში დაბრუნებულ ხვიჩა კვარაცხელიას სამწუხარო ცნობები დახვდა – რა ინფორმაცია გახდა ცნობილი ?

პარი სენ ჟერმენში სერიოზული პრობლემებია. უსმან დემბელე და დეზირე დუე ფრანგულ გუნდს დიდი ხნით გამოაკლდნენ.

ორივე მათგანმა ტრავმა სანაკრებო პაუზის დროს მიიღო. დემბელეს შემთხვევა უფრო სერიოზულია, რადგან ის დაახლოებით 6 კვირას იუქმებს და პარი სენ ჟერმენს ბარსელონასთან ვერ დაეხმარება.

რაც შეეხება დუეს, ის წესით ბარსელონასთან გასამართი მატჩისთვის მზად იქნება, თუმცა ატალანტასთან მისი თამაში 17 სექტემბერს გამორიცხულია.

შეგახსენებთ, ლუის ენრიკეს გუნდს ჩემპიონთა ლიგის ფაზაზე საკმაოდ რთული ბადე შეხვდა.

პარი სენ ჟერმენი ატალანტას, ბარსელონას, ლევერკუზენს, მიუნხენის ბაიერნს, ტოტენჰემს, ბილბაოს ატლეტიკს, სპორტინგს და ნიუკასლს დაუპირისპირდება.

წყარო: pnews.ge