ლუის ენრიკეს "პსჟ-ს" დატოვება სურს

„პარი სენ-ჟერმენის“ მთავარი მწვრთნელი ლუის ენრიკე „ბარსელონაში“ დაბრუნებაზე ფიქრობს, – წერს Mundo Deportivo.

გამოცემის ინფორმაციით, ესპანელი სპეციალისტი ყურადღებით ადევნებს თვალს „ბარსაში“ მიმდინარე პროცესებს და განსაკუთრებით 2026 წლის საპრეზიდენტო არჩევნებს, რომლის შემდეგაც შესაძლოა ისევ ჩაიბაროს გუნდი.

ენრიკემ ახლობლებს უკვე არაერთხელ განუცხადა, რომ სურვილი აქვს კლუბის სათავეში დაბრუნდეს, რომლის მწვრთნელიც 2014-2017 წლებში იყო.

მიუხედავად იმისა, რომ პარიზში თავს კომფორტულად გრძნობს, ესპანეთში ცხოვრება ენატრება. მისი კონტრაქტი პსჟ-სთან 2027 წლის ზაფხულამდეა ძალაში.

„ბარსელონა“ და პსჟ ჩემპიონთა ლიგის მეორე ტურში 1 ოქტომბერს შეხვდებიან ერთმანეთს.