"თურქეთის დონის გუნდის წინააღმდეგ შანსი არ გაქვს" - ვილი სანიოლი

საქართველოს საფეხბურთო ნაკრები თურქეთთან სტუმრად 1:4 დამარცხდა. მატჩის შემდეგ ჩვენი გუნდის მთავარმა, მწვრთნელმა ვილი სანიოლმა ასეთი კომენტარი გააკეთა:

„თურქეთის ნაკრების ფეხბურთელები კლუბებშიც მაღალ დონეზე თამაშობენ და იციან, როგორ მოემზადონ გადამწყვეტი მატჩებისთვის. მათ ეს ჩვენთან კარგად მოახერხეს. თურქეთის დონის გუნდის წინააღმდეგ შანსი არ გაქვს, თუ თამაშს სრული მობილიზებით არ იწყებ. თავიდანვე მეტი აგრესიულობა გვმართებდა.

პირველ და მეორე ტაიმებს შორის იყო განსხვავება, თამაში ისე დავიწყეთ, თითქოს, ერთგვარ კომფორტის ზონაში ვიყავით. მეორე ნახევარში ცოტა გამოვასწორეთ მაგრამ თამაშის შემოტრიალება ვეღარ შევძელით“.

წყარო: 1tv.ge-sport