"პსჟ" ლუის ენრიკეს წარმოუდგენელ კონტრაქტს უფორმებს

ეს მსოფლიო ფეხბურთის ისტორიაში უპრეცედენტო შემთხვევა იქნება.

გამოცემა AS-ის ინფორმაციით, „პარი სენ ჟერმენი“ მთავარი მწვრთნელის, ლუის ენრიკესთან სამუდამო კონტრაქტის გაფორმებას გეგმავს.  ახლა სპეციალისტი პარიზულ გრანდში გასამრჯელოს სახით თვეში 1 მილიონ ევროს იღებს, წლიურად კი 12 მილიონი ევრო გამოსდის , მნიშვნელოვნად გაიზრდა ესპანელის ხელფასიც.

პარიზულ კლუბში ლუის ენრიკე იდეალურ კანდიდატად მიაჩნიათ და მზად არიან, მას კლუბის ისტორიაში ყველაზე მომგებიანი და ძვირადღირებული ხელშეკრულება შესთავაზონ. ამ ეტაპზე ლუის ენრიკე პსჟ-სთან კონტრაქტით 2027 წლის ზაფხულამდეა დაკავშირებული.

ლუის ენრიკე „პარი სენ ჟერმენს“ 2023 წელს ჩაუდგა სათავეში და მისი ხელმძღვანელობით გუნდმა ჩემპიონთა ლიგა და საკონტინენტთაშორისო თასი მოიგო.