ვიქტორ ოსიმენმა პირადი კონტრაქტის დეტალები შეათანხმა

„ნაპოლის“ ფორვარდი ვიქტორ ოსიმენი, დიდი ალბათობით, კარიერას „მანჩესტერ იუნაიტედში“ გააგრძელებს.

თურქი ჟურნალისტის, სერდარ ალი ჩელიქლერის ინფორმაციით, ნიგერიელმა უკვე შეათანხმა ინგლისურ კლუბთან ხუთწლიანი კონტრაქტი. წყაროს ცნობით, „იუნაიტედი“ ოსიმენის სანაცვლოდ „ნაპოლის“ 60 მილიონ ევროს გადაუხდის.

ამ სეზონში 26 წლის ვიქტორ ოსიმენი იჯარით „გალათასარაიში“ თამაშობს. ფორვარდმა ყველა ტურნირზე 34 მატჩი ჩაატარა, 29 გოლი გაიტანა და ხუთი შედეგიანი გადაცემა შეასრულა.

წყარო 1tv.ge